Neue Industriestrasse 1 , Rothrist , Switzerland | August 16, 2019 | Permanent
Industry: Transport and Logistics
Position: Employee
Experience Level: Entry / Beginner

Job Description:

Als guete Schofför weisches Du ja, was dini Ufgabe si:

  • Lifere vo Stückguet-Sändige i der ganze Schwiiz
  • Abholige mache
  • Teilwiis bi de Chunde ou uuf- oder ablade

 

Du bringsch folgendes mit:

  • mindeschtens 5 Jahr Erfahrig uf Ahängerzüg u natürlich Uswiis C/E u CZV (no mind. no 3 Jahr gültig oder Kurs absolviert)
  • Schwyzerdütsch isch dini Muettersprach
  • Uf di cha me sech verloh, du machsch di Bruef mit Stolz wie de ou Stolz uf üsi Schwyzer Fahne bisch, wo ja be üs uf jedem Laschtwage gross drufe isch. Du hesch em Outo und em Räschte Sorg und bisch au fründli mit allne Lüt wo ztüe hesch.
  • Der Papierchrieg hesch im Griff, und s’Houz bringsch nach der Tour weder hei, we sech das ghört.
  • Di Laschtwage isch dini Perle. Das gseht me sofort.

 

Mir liefere ou üse Teil:

  • Bi üs hesch ä sehr guete Grundlohn mau 13
  • Näbem guete Lohn u 30 Franke Tagesspese,  chasch Du der no 35 Stutz am Tag zusätzlich verdiene, we de alles guet u richtig machsch, was amene Spitze-Schofför wie dir ja eigentlich nid dörfti schwär falle gäu?
  • 5 Wuche Ferie und bisch de 50i gsi, de no eis Wücheli derzue, auso gar 6
  • Du hesch inere erfolgriche und gsunge Firma ä sichere Job und fingsch ou Kollege hie, mit dene chasch au mou eis im eigene Restaurant go zie oder gar en Jass chlopfe!
  • Kein Wuchenänd-Iisätz, Arbet vom Mänti bis Fritig u de nachher Usruie.

Schick doch dini Unterlage elektronisch per Mail a: chauffeur@schoeni.ch

 

Bitte kei Aagebot vo Stellevermittler!